HARK is ‘n unieke besigheid wat speifieke persoon gesentreerde trauma berading en emosionele ondersteuning bied.

Johan Kloppers, eienaar beskik oor meer as tien (10) jaar se ondervinding in trauma berading; gefokus op persone geraak deur geweldsmisdaad en was hy al betrokke by meer as 300 plaasaanvalle en meer as 200 geweldsmisdade.

Johan is ‘n geregistreerde Trauma berader by die Council for Pastoral and Spiritual Counsellors (CPSC) met registrasie nommer:

•           P00803

Johan se agtergrond, kennnis en ondervinding in die ondersoek veld, met meer as 30 jaar ondersoek ondervinding en ook kennis van die regsproses het te weeg gebring dat hy die nood waargeneem het waar mense geraak deur hierdie gruwelike misdade geen kennis of ondervinding het wanneer hulle genoodsaak word om ook deur ‘n regsproses te gaan en  waartydens hulle sekondere trauma kan en gaan beleef.

Hieronder is slegs twee insidente waarby hy betrokke was, net om die omvang en die emosionele trauma wat geliefdes deurgaan na ‘n brutale misdaad plaasgevind het.

Plaasmoord, Noord Wes

‘n Boer van Noord Wes was aangeval deur ses to sewe verdagte op sy plaas en ses keer geskiet, terwyl sy vrou in vrees binne die huis geskuil het. Die boer kon terugkeer na die huis en in mekaar gesak en in ‘n koma verval – hy het na paar dae aan sy wonde beswyk. Johan  het die begrafnis bygewoon en ook behulpsaam gewees om die vrou en ‘n mede getuie se verklarings op te stel. Arrestasies was uitgevoer en ‘n lang hofstryd het begin – na 4 jaar en 6 maande met twee en sestig (62) keer het een van 7 beskuldigdes skuldig gepleit en gevonnis; die ander ses beskuldigdes was gedeporteer. Tydens die hofsaak is die weduwee en familie ondersteun en ook voorbereiding verskaf aangesien sy moes getuig en geen ondervinding van die regsproses of die hof gehad het nie. Na twee jaar later was een van die verdagtes doodgeskiet nadat hy onwettig terug gekeer het na Suid Afrika – Johan moes saam met speurders alle inligting opvolg en bevestig dat die verdagte wel een van die beskuldigde was en kon hierdie inligting aan die weduwee en familie oordra.

Plaasmoord, Gauteng

‘n Boervrou was oorval terwyl sy alleen tuis was; aangerand, vasgebind en in die badkamer toegesluit – haar man was oorval met sy tuiskoms; aangerand en vasgebind. Die verdagtes het die huis deurgesoek en later die toneel verlaat. Die vrou was 2 dae toeesluit in die badkamer, voordat sy kon uitbreek en haar man was heeltyd vasgebind – nadat hulp ge-ariveer het, was hulle afgevoer na ‘n hospitaal waar die man oorlede is. Johan het die dame en familie oor die feestyd besoek en die seerpad saam met hulle begin stap. Verdagtes was later ge-arresteer en het die hoofstuk wat in die hof moes afspeel het begin – die dame en familie was ondersteun voor, tydens en na die hofsaak – die dame en seun moes getuig en ontlonting na die hofdae was baie nodig. Die beskuldigdes was skuldig bevind en gevonnis en die seer hoofstuk kon afgesluit word.

Persone geraak deur hierdie tipe geweldsmisdaad is nie voorberei vir dit wat hierna kan volg nie; en kan insluit die volgende:

ü  Afneem van ‘n verklaring – mense weet nie hoe dit saamgestel moet word en die regte wat ‘n persoon het om dit te doen nie;

ü  Uitkenningsparade van verdagtes – die proses is onbekend en ook traumaties;

ü  Borg aansoek – persone verstaan nie hierdie proses nie;

ü  Hofbywoning – die regsproses is nie duidelik nie en ook baie traumaties;

ü  Getuienis lewering – persone word soms genoodsaak om self te getuig in ‘n saak waarby hulle self slagoffers of getuies was; hierdie proses is baie traumaties; en

ü  Opstel van slagoffer impak verslae – slagoffers is geregtig om hierdie verslag te voltooi en dit word as bewysstuk ingelees met vonnis.

Behoefte

Persone geraak deur bogenoemde beskik nie altyd oor die nodige kennis om bogenoemde aksies behoorlik uit te voer nie. ‘n Hofproses kan ook lank en uitdagend wees en is daar nie altyd ondersteuning beskikbaar nie.

Verder is dit ook nodig dat ondersoeke en veral hofsake gemonitor word sodat die saak nie skipbreuk ly nie en ‘n positiewe uitkoms kan kry; sodat geliefdes en slagoffers hierdie hoofstuk kan afsluit.

Tydens die hofproses monitor Johan die sake; kommunikeer met die speurder(s)/ onderskoekbeamptes asook die aangewes aanklaer(s) wat die saak hanteer.

Navrae vir hulp en ondersteuning

Johan beskik oor ‘n wye netwerk regoor oor Suid Afrika en omdat hy reeds by verskeie hofsake susksesvol betrokke was kry hy verskeie versoeke en navrae om persone te ondersteun met hierdie proses wat mag insluit:

• Trauma berading
• Groeps ontlonting (Ontlonting van personeel en terapie)
• Behulpsaam te wees met ondersoeke
• Opstel van verklaring(s)
• Hof voorbereiding vir getuienis lewering
• Hof ondersteuning
• Behulpsaam met opstel van Slagoffer Impak verslag
• Monitering van ondersoeke

Meeste van hierdie gevalle vind regoor Suid Afrika plaas en reis Johan landswyd om ondersteuning te bied soos en wanneer versoek.

Johan is tans betrokke by verskeie sake regoor Suid Afrika, waarvan insluitend in verskeie provinsies soos Gauteng, Noord Wes en die Noord Kaap.